बाँच्ने कला छैन भने, बाँच्नुको आशय नहुने रहेछ।
आजकल आँसुको कुनै पनि, मुल्य तय नहुने रहेछ।
सपनाहरू रंगीन देखिन्छन् जो, तर यथार्थ अर्कै छ
जुन सपनाको आधार छैन, त्यो निर्णय नहुने रहेछ।
परिस्थितिले निर्धारण गर्छ, मान्छेको अस्तित्व पनि
गरीबको आवाजको यहाँ, कहिल्यै समय नहुने रहेछ।
तिमी भन्छ्यौ सत्य सधैँ जित्छ प्रिय, म भने फिस्स हाँस्छु
पैसाले फैसला किनिन्छ, न्यायिक मन्त्रालय नहुने रहेछ ।
सम्बन्धहरू नामका मात्र, बाँचिरहेका हुन्छन् नि जब
जहाँ माया मोलमा बिक्छ, त्यहाँ समन्वय नहुने रहेछ।
(बोनस शेर)
तिम्रो सहर तिम्रो महलमा, उज्यालो होला औँसीमा पनि
तर त्यो महलमा कहिल्यै, गरिबको जय जय नहुने रहेछ।
